| Wai Kwan Vivian's profile悠然自得肥肥人花園廣告雜誌PhotosBlogLists |  Tools  Help |
悠然自得肥肥人花園廣告雜誌享受假日下午一室陽光，微風送爽。品嚐清新甘甜一杯綠茶，齒頰生香。 |
||||
|
December 16 好特別的生日話說12月1x號1係我生日
個日冇返公司, 去咗醫院做野
撘的士要落車既時候先發現冇帶銀包
(因為之前個晚上堂換咗個袋~!)
我唯有打比姑娘叫佢落來救我
佢仲借咗錢比我用, 真係好瘀...
好一個難忘既生日既早上.....
成日都冇用過錢, 因啲錢都唔係我既....
lunch同姑娘們去咗食飯
下午做緊野既時候, 姑娘們買咗個旦糕同我慶祝, 好開心~~~!!
夜3跳完舞同男朋友仔去食飯, 好飽~
收到一條褲&一件衫做禮物~~~~!
爸爸媽媽買咗個blueberry cheeze cake比我做生日禮物~~~~!
同埋李鄭屋d大朋友既頸鍊~~~!
THX
XXXD
November 25 我的第2包血星期六, 好早(早過下午3點都叫係早!!!) 就起咗身
同男朋友仔去咗荃灣吃飯同行街
因為約咗同事們3:40pm係天水圍西鐵等去BBQ
好得閒咁係荃灣行既時候見到紅十字會既捐血站
因為男朋友仔既一句說話, 我走咗去捐血... >.<
本來係復活節既時候都諗住去捐
點知個時個個捐血站都排晒長龍(但又係咁sale廣告話冇血)
去咗好次都食lemon
嬲嬲地就唔鬼捐
所以對上一次都已經係2年前既時....
今次感覺比上一次好得多
上一次係舊公司既流動捐血日, 瞓係長帆布床, 又凍, 捐完仲有d暈暈地
今次就好好多, 食飽飽先去, 捐完仲好精神
但之後就來料,開始好眼瞓, 燒緊野食都可以瞓得咁濟...
finally, 第2 日係屋企昏睡, 起身食lunch, 又昏睡, 起身出街食晚飯, 再昏睡....
好在, 係星期六捐, 如果唔係, 第2 日睇怕都要請病假係屋企瞓都似~~~
by the way, 天水圍個個"有叉用燒烤樂園" d 豬扒好好好食
好似都未試過燒野食狂燒豬扒. 不過d 丸呀, 腸呀就ma ma 地.
中翼都ok好食.
同埋個場好吉, 都冇乜人, 唔想同人迫都幾好, 但都好山卡啦吓, 要係西鐵打的出入先得
service都好好
唔知點解食評咁差既.....
因為呢次BBQ, 所以呢排好中意食豬扒~ November 20 累了我開始覺得頂唔順啦
乜都頂唔順啦
好累
由其係放咗一個唔算係假既假
之前同之後係公司就係做到成隻"劇"咁
我真係好懷疑自己既能力
雖然, 有人同我講, 我係有能力既
但係, 係壓力之下我真係對自己既能力有好大既動搖
我係咪應該要學會放低呢?
掛住,唔掛住
唔係用口講
係用心
我真係, 一d真誠都感覺唔到
掛住, 不過每日兩個電話: 一個通知收工, 一個通知瞓覺
再多再多, 都係大話
一個著重感覺既人
冇感覺的話,真係比死更難受
October 31 好叉嬲!!!一個好叉冇禮貌既大陸女人!!!!!我真係好黑仔
人出site我出site
點解我出親site都一定係有事發生呢?
仲要係wok wok 新鮮wok wok 甘!
一早個大陸哩就打比我係打一輪咁咁話又冇藥, 又冇shipment, 又唔同佢講
我就唯有係度不停咁同佢講係個shipment既問題, d 藥要星期一先可以係depot send 出來
佢就不停用高八度既聲一路講講講講講
又鬧我唔早d同佢講, 又鬧我話d藥來又唔來, 又鬧要改patient d 期冇時間等等等等
之後仲要cut 我線
我真係好想用粗口媽叉佢
係咁鬧, d藥會到咩?
我已經好盡力咁同佢通知晒所有人, 係咁叫佢地做野. 我知道係site既立場係好難做
我為咗個site, 同自己公司d人都抺晒面咁濟
得出來既就係我做錯野, 要比人勁媽叉同cut 線?????
最離譜係每次找講緊野既時候佢都係度加把口
永遠唔比我講完我要講既野
我就唔想每次都好似要讓佢咁停比佢等佢插
我就continuous咁講, 佢又唔停
2個人好似係度鬥大聲咁
係咪冇人教過佢唔可以係人地講野既時侯插咀ga?
我既eq 同 iq 都可以話比呢個人攪到就來冇晒啦
我頂唔浦啦.... October 30 整旦糕成個星期得今日係office做野
所以今日要完成既野都特別多
同project team開teleconference既時候知道個shipment又會delay
心諗一陣打電話比人既時候實又比人產爆
點知個site出奇地冇鬧我,仲好客氣tim
唔通因為上一次佢怒產,今日良心發現其實唔關我事??
不過可能係暴風雨既前夕都係平靜既...... >.<
來咗3個月, 終於可以食到焗蜜糖雞翼啦~~好好食
做野做到咁上, 同pat pat一齊去上cake class
整"薄脆榛子旦糕"
我終於打得起個cream啦
超感動!!!!
整完個旦糕要等半個鐘先有得拿
於是返咗office做野
pat pat 幫我拿旦糕
開來睇同我本來整個個都唔樣既
個導師幫我地裝飾咗個旦糕
所以都唔知算唔算係自己整既...
個旦糕都幾好食呀
不過個脆脆底就咸得濟(牛油太多), 同幾甜咗少少
最好食係個雞旦糕~
可惜, 屋企冇焗爐... October 26 超慘既湖裡龜今日個夢嚇醒咗
係個夢入面係比人判咗死刑,要我去坐電椅...
比人推緊埋去既時候就醒咗
可能呢幾日睇咗好幾個documentary講關於變態殺手,比人判刑咁....
超恐怖...
之後就帶家嘉(注:葉家嘉係我個女,一隻灰色+啡色既荷蘭侏儒兔!!)去剪腳甲
過程都好順利, 成日以為佢好驚,但係佢永遠都可以好似冇野咁攤係度,都唔知佢係咪真係驚...
但亞媽話佢驚度返咗屋企之後係廁所以外既地方去小小.....
到底家嘉係真驚家假驚?真係冇人知......
再之後去左行街街
買咗隻"家嘉"介指~ 好得意
返屋企行過公園
見;到一個亞叔係草叢邊執起咗一隻龜
好大力咁將隻龜掉咗佢落個湖度
跟據分析, 隻龜應該係經過千山萬水(一個湖+一個小草叢),排除萬難(由湖邊"爛"出草叢,真踩公園行人路)
先到達佢係個時既所在地
點知就咁比個路人甲"來"手掉返落個湖到
真係可悲可悲......
所謂萬事起頭難, 龜龜,你再來過把啦
我諗應該冇人再咁得閒掉返你落去掛.
一年後既部落格係一年!!
足足一年既時間冇係度留過任何message
因為實咗太忙, 平日係公司又不停咁對住電腦
返到屋企一d都唔相開機, 連msn都冇開......
唔知仲會唔會有人睇我個blog呢?
今日係出血日,買咗好多野,買野行街行到手軟腳軟
本來好開心
但係返到屋企睇到一d野, 令我極唔開心
可以用好嬲去形容
但係,我冇野可以做得到......
係咪我太好"洽",定係我係白痴?
我真係唔知......
我平時唔易發火,最多都係講2句就算
但係,呢樣野我係唔會咁易算數
最多一拍兩散! October 11 重慶驚嚇之旅 (十月之"星")yesterday同幾個十月之星 (3,6,9: 大佬, peter john, cindy) 做生日
都唔知邊個話食重慶咖哩, oh my god!!
平時行過個度都走夾唔抖
仲要入去, oh no.......
放咗工收到kathy電話話係重慶樓下等
心知不妙, 去到唔見佢地仲覺得唔掂
行咗去隔離等, 等等下佢地來咗
仲帶埋d亞星一齊
oh, help~~~~
比d亞星煩咗一陣終於齊人上樓食野
點知上到去....
我地食咗好多咖哩, 我諗我at least 2個星期都唔會食咖哩......
食完大家就閃, 但係我呢d好少玩既人ofcoz死都唔返去住啦
於是又一行8 人去飲野
大部份人都唔飲酒, 都係至拽3寶先飲(又飲又食煙...)
不過今次二哥哥冇得飲, 因為佢整親隻手再加上敏感...
佢地話第一次見佢去飲野飲橙汁wor, 哈哈....
飲到11點幾個個都好眼瞓, 於是就走人
咁又一個生日會
下次終於到我啦
不過次次話到我佢地就話唔攪... >.<
呢排玩facebook, 個個同事都玩咁
所以好少上來update, 原來對上一次都成2 個月前
依家好努力練琴, 'MISS NG" 話叫我考5級WOR...
好在有miss ng 教我je~
等我係公司唔好成日蝦佢先, 當交學費, 哈哈!!!! August 18 有邊個可以話我知, 問題係邊度? 一個人
係公司做到夜晚9:30
唔係因為有OT
只係因為冇時間做好準備
一個乜經驗都冇既人
要係咁短時做咁大份project
要比平常人做多更多
冇人教, 唯有做到有問題先問
同事都好想幫我, 但係我又唔可以叫人地唔做野來幫你
亦唔可以次次都叫人幫, 人地都幫唔到咁多
工作好辛苦
為的只求可以快d揾到更多既錢, 可以儲錢...
工作多, 亦有一樣好處
可以另自己忙, 就會唔記得一d唔開心既事...
因為每次返到屋企
就會諗到一d野...
好多時覺得自己對四周既野好sensitive, 而且感覺都好準確
但係sensitive同感覺準確, 苦咗自己
我講過好多次
我覺得好唔安全
請你唔好做d另我覺得唔安全, 唔開心既事
但係每一次答應我之後
都同冇講過冇分別
我真係好難過
係公司做野好大壓力, 不論係工作多, deadline 多又短, 自己冇經驗唔識做 等等
好想放咗工之後可以有人話我知, 點辛苦都唔緊要, 因為有人會支持你
但係工作辛苦之後得到既, 只係另一個傷心同難過
呢種難過, 比起工作既辛苦更難受千陪萬陪...
就算可以儲到更多既錢有乜用?
信你,但唔係唔介意! 請唔好做一d會令我唔開心既野, 好嗎?
以前我好大使
人地好慳檢, 因為要為將來儲錢
到我依家明白, 亦都開始學會儲錢既時候
就到人地開始大使, 有咁多用咁多
而且仲話儲錢來做乜...
到底, 我係到做緊d乜......
係我思想有問題
定係你已經改變咗? August 10 乜都冇做既一日今日返工乜都冇做過就放咗工......
今朝出門口都好地地
返到公司今日就攪咗個開放日
成朝係度坐
跟住無啦啦比人叫咗去幫手做魔術師助手...
不過, 個魔術師幾靚仔~ 哈哈
本來諗住揾佢影張相比人睇, 不過好似唔係咁好 >.<
lunch個陣去咗食米線
見到掛咗3號波, 好攪笑地個颱風走咗又返轉頭
返到公司冇幾耐就收到同事既information話3點半會掛8號
於是全部人都等hr e-mail通知走人
返屋企係地鐵勁多人
then我係最早返到屋企, 再之後幫亞媽買餸
咁就一日 |
|||
Send a private message
Subscribe to RSS feed
Tell a friend
Add to My MSN
Add to your network
Sign up for alerts|
|
